Careg Ateb: Vision or Dream. The National Gallery a Frân Wen

Cafodd CreuTech ei gomisiynu’n ddiweddar gan The National Gallery i gydweithio gyda Chwmni Ifanc Frân Wen ar Careg Ateb: Vision or Dream, rhan o gomisiwn cenedlaethol Jeremy Deller, The Triumph of Art.

Y nod oedd creu darn o gelfyddydau ymddrochol a fyddai nid yn unig yn archwilio themâu chwedloniaeth a thrawsnewid, ond a fyddai hefyd yn cael ei lywio gan leisiau pobl ifanc. Rôl CreuTech oedd dylunio a rhedeg gweithdai oedd yn cyflwyno’r cyfranogwyr i offer trochiadol ac yn defnyddio’r arbrofion hyn i helpu siapio cyfeiriad y darn.

Wrth weithio gyda chwmni ifanc Frân Wen, fe wnaethom archwilio sut gellid cyfuno archeteipiau, darnau o straeon a thechnoleg i ail-ddychmygu chwedlau lleol mewn ffordd gyfoes a throchiadol. Roedd eu syniadau a’u cyfraniadau’n rhan ganolog o’r datblygiad creadigol, gan sicrhau nad oedd y darn terfynol yn cael ei wneud droston nhw yn unig, ond gyda nhw.

Daeth y broses i ben gyda dangosiad yn galeri MOSTYN yn Llandudno, lle cyfuniwyd theatr fyw gyda’r elfennau trochiadol a ddatblygwyd trwy’r gweithdai. Roedd gweld y bydau hyn yn dod at ei gilydd, comisiwn cenedlaethol, lleisiau pobl ifanc lleol, theatr draddodiadol ac arbrofi digidol, yn foment falch i bawb oedd yn rhan ohono.

I ni yn CreuTech, mae Careg Ateb: Vision or Dream yn amlygu’r hyn sy’n bosib pan mae pobl ifanc, sefydliadau diwylliannol a thechnoleg greadigol yn dod at ei gilydd, straeon sydd wedi’u gwreiddio yn y gymuned ond sydd hefyd yn agored i ffurfiau mynegi newydd.