Podiau Llesiant : Prosiect SBRI gyda Wellbeing Monitor

Cafodd CreuTech ei gomisiynu gan Wellbeing Monitor, gyda’r penseiri yn CAUKIN Studio, i greu prototeip o gerdded trwodd rhithwir aml-chwaraewr o’u Podiau Llesiant arloesol. Mae’r podiau yma wedi’u cynllunio i gefnogi lles staff a chleifion ar draws y GIG. Roedd y prosiect yn rhan o raglen SBRI Healthcare, mewn cydweithrediad â Bwrdd Iechyd Prifysgol Betsi Cadwaladr.

Ein rôl ni oedd delweddu’r podiau mewn ffordd rithwir ac archwiliadwy fel bod rhanddeiliaid, gweithwyr iechyd proffesiynol a’r cyhoedd ehangach yn gallu deall y cysyniad yn well. Crëwyd profiad rhithwir a rennir oedd yn caniatáu i sawl person gamu i mewn i’r podiau gyda’i gilydd ac archwilio sut allai’r dyluniad weithio’n ymarferol.

I roi’r prototeip ar brawf, aethom ag e allan i’r byd go iawn, gan arddangos y profiad yn yr Eisteddfod Genedlaethol yn stondin y GIG. Cafodd aelodau o’r cyhoedd, cleifion a staff gyfle i roi cynnig arno eu hunain, gan gynnig adborth a helpu i lunio’r cam nesaf o’r datblygiad.

Roedd yr ymateb yn hynod o gadarnhaol. Roedd pobl yn gwerthfawrogi’r cyfle i gamu i mewn i’r syniad cyn iddo gael ei adeiladu, ac roedd y fformat rhyngweithiol yn agor sgyrsiau am les yn y GIG mewn ffordd oedd yn ddeniadol ac yn hawdd i’w ddeall.

I CreuTech, roedd y prosiect yma’n amlygu’r rôl y gall technoleg rithwir ei chwarae mewn arloesi gofal iechyd, nid yn unig fel arf ar gyfer dylunio a chyfathrebu, ond fel ffordd o gynnwys y cyhoedd yn siapio gwasanaethau’r dyfodol.